Almaty mańynda gaz júıesine qosylý baǵasy eki esege deıin arzandady

ALMATY. QazAqparat - Almaty mańynda qalaǵa qosylǵan aýmaqtarda gaz júıesine qosylý baǵasy eki esege deıin arzandap, jalpy qala baǵasymen teńestirildi. Bul týraly búgin Almaty qalasy ákiminiń baspasóz qyzmetinen habarlady.

Eger buǵan deıin qalanyń birqatar sektorlarynda gaz jelisin salý jáne osy boıynsha tehnıkalyq qyzmet kórsetýmen aınalysatyn kompanııalardyń qoıatyn baǵasy - 300-600 myń teńge bolatyn. Al 1 naýryzdan bastap, bul baǵa jalpyqalalyq baǵamen teńestirildi.

Búgingi tańda Alataý jáne Naýryzbaı aýdandarynda «Táýekel T» JShS gaz jelisine qosylý baǵasy - 190 myń teńge. Al bul aýdandarda 700-deı turǵyn úı gaz jelisine qosylýǵa muqtaj.

Kompanııadaǵylar jańa baǵa saıasatyn qalyptastyra otyryp, naryqtyń qazirgi jaǵdaıyn, tutynýshylardyń múmkindigin jáne osy aýdandardyń jeńildik alýǵa quqyǵy bar turǵyndarynyń múddesin eskerdi.

Birinshi jáne ekinshi toptaǵy múgedekter jáne Aýǵan soǵysynyń ardagerleri gaz jelisine 30 paıyz, kóp balaly jáne áleýmettik jaǵdaıy tómen otbasylar 50 paıyz arzan baǵamen qosyla alady. Al Uly Otan soǵysy ardagerleri úshin gaz jelisine qosylý tegin.

Bostandyq aýdanynda ornalasqan jáne gazdandyrylmaǵan 375 turǵyn úı úshin árbir otbasyna «ServısStroıHoldıng» JShS gaz jelisine qosylý shamamen - 320 myń teńge bolady.

Bul qymbatshylyq jergilikti gaz bólip taratý júıesiniń ereksheligine baılanysty. ıAǵnı, bul jerde qosymsha gaz jabdyǵyn ornatý qajet.

Aıta ketelik, búginde qalanyń gaz sharýashylyǵy naryǵynyń 70 paıyzyn qamtıtyn «QazTransGaz-Almaty» JShS gaz jelilerine qosylý - 180 myń teńge shamasynda. Sondaı-aq, kompanııa 1 myńdaı almatylyq turǵynǵa gaz jelisine lızıng boıynsha qosylýǵa múmkindik beredi. ıAǵnı kredıtormen bir jyl ishinde esep aıyrysýǵa bolady.