Almaty mańynan qarý-jaraq jasyrylǵan qoıma tabyldy

ALMATY. QazAqparat- Almaty mańynda taǵy bir qarý-jaraq jasyrylǵan qoıma tabyldy, dep habarlaıdy QazAqparat tilshisi.

Polıtsııa málimetinshe, qarý-jaraq qoımasy Іle aýdany, Almaty - Óskemen tasjolynyń boıynda jasyrylǵan.

«Ony jergilikti qylmystyq izdestirý bóliminiń qyzmetkerleri anyqtady. Qoımadan 22 kalıbrli «Marlın» jáne 308 kalıbrli «Tikka» myltyǵy tabyldy. Belgili bolǵanyndaı, atys qarýlary Almatydaǵy qarý-jaraq dúkenderiniń birinen qańtar aıyndaǵy tártipsizdikter kezinde urlanǵan»,- dep habarlady polıtsııadan.

Qarý- jaraq ballıstıkalyq saraptamaǵa jiberildi.

Tergeý aıaqtalǵannan keıin qarý zańdy ıesine qaıtarylady.

2022 jyldyń basynan beri Almaty oblysynda 200-ge jýyq atys qarýy tárkilendi. Onyń 133 tapansha.