Almaty mańyna qatynaıtyn poıyzdar saparǵa shyqty

ALMATY. QazAqparat - Almaty mańyndaǵy eldi mekenderge qatynaıtyn poıyzdar búgin óz jumysyn bastady, dep habarlaıdy QazAqparat tilshisi.

Almatydan Uzynaǵashqa jáne Qapshaǵaıǵa qatynaıtyn jańa poıyzda jol júrý quny 80 teńge.

«Almaty ákimdigi 340 mln teńge demeý qarjy (sýbsıdııa) bólip otyr. Bul joba aldaǵy 5 jylǵa josparlanǵan. «Turan ekspress» kompanııasy Almaty-Qapshaǵaı, Almaty-Uzynaǵash baǵyty boıynsha qatynaıtyn vagondardy satyp aldy. Al ákimdik jolaýshylardy tasymaldaýǵa demeý qarjy bóledi. Múmkin, osy baǵdarlardy uzartatyn shyǵarmyz», -dedi Almaty qalasy ákiminiń orynbasary Murat Dáribaev.

Almaty ákiminiń orynbasary Murat Dáribaevtyń aıtýynsha, bul jerde ekonomıkalyq tabystan góri ekologııa másele birinshi orynǵa qoıylyp otyr.  
 

«Qalaǵa kiretin transport júktemesin azaıtý mindeti tur. Sebebi, qalaǵa jaqyn eldi mekenderden 200 myń kólik kiredi. Munyń bári ekologııaǵa áser etedi. Bul,Almaty aglomeratsııasyn damytý týraly Prezıdent tapsyrmasyn oryndaýǵa baǵyttalǵan alǵashqy qadamdardyń biri», - dedi ákimniń orynbasary. 

Qapshaǵaı - Almaty-1 temirjoly 71 shaqyrymǵa sozylyp jatyr. Eki arada jolaýshylardy 6 vagon tasymaldaıtyn bolady. Jol arasy 1,5 saǵat. Poıyz kúnine eki ret qatynamaq.
 

Al 37 shaqyrymdyq Uzynaǵash baǵytynda  9 vagon júredi. Jetý ýaqyty shamamen 1,5 saǵat. Atalǵan poıyz da kúnine eki ret Almatyǵa kelip ketedi.

«Demeý qarjy bólýdiń arqasynda jol aqysy 80 teńge bolady. «Ońaı» kartasy arqyly tólem júrgizýge bolady. Óte yńǵaıly vagondar, salqyndatqysh, bıodárethanasy - barlyǵy bar. Bul vagondarǵa saralanǵan tarıf engizilmeıdi», - dedi Almaty Jolaýshylar tasymaly jáne avtomobıl joldary basqarmasynyń basshysy Maqsut Isahov.
 

«Qapshaǵaı baǵytyna qatynaıtyn poıyz Almaty -1-den Medeý, Qaırat, Baıserke, Іle, Jetigen, Qapshaǵaı stantsııasy, Qapshaǵaı qalasyna deıin barady. Almaty-2 vokzalynan Uzynaǵashqa qaraı qatynaıtyn poıyz Buryndaı, Aqseńgir, Shamalǵan, Qazbek bı stantsııasyna deıin barady. Búgin birnshi kúni 50 adam osy poıyz qyzmetin paıdalandy. Qapshaǵaıdan 60 adam otyryp keldi. Ár vagonda bir jolserikten bar. Jolserikter 70-80 myń, mashınıster 140-160 myń teńge jalaqy alady», - deıdi «Turan eksperss» kompanııasynyń dırektory Roman Botabekov.