Almaty mańy qańǵybastardan tazartylyp jatyr

TALDYQORǴAN. QazAqparat - Ótken tórt kúnniń ishinde Almaty qalasyna jaqyn óńirlerde 100-den astam qańǵybas adamdar ustalyp, arnaıy qabyldaý oryndaryna tapsyryldy.  Eske sala keteıik, Almaty oblysynyń ońtústik óńirlerindegi bes aýdanda «Quqyqtyq tártip» sharasy bastalǵan bolatyn. Onyń maqsaty 28-i Qysqy Ýnıversıada qarsańynda jedel jaǵdaıdyń turaqtyǵyn qamtamasyz etý bolyp tabylady, dep habarlaıdy QazAqparat tilshisi.

Polıtsııa qyzmetkerleriniń aldyn alý sharasy Ýnıversıadaǵa deıingi 6-25 qańtar aralyǵynda ótedi.  Negizgi másele qoǵamdyq qaýipsizdikke, esirtki men qarý-jaraqtyń zańsyz aınalymyna, kóshi-qon zańnamasy buzýshylyqtaryn boldyrmaýǵa, qylmyskerler men iz-tússiz joǵalǵandardy izdestirýge basa nazar aýdarýda bolyp otyr.

«Tórt kúnniń ishinde arnaıy oryndarǵa 100-ge jýyq turǵylyqty meken jaıy joq azamattar jetkizildi. Olar negizinen Qarasaı, Talǵar, Jambyl, Іle jáne Eńbekshiqazaq aýdandarynda ustalǵan ári eshqandaı da jeke basyn kýálandyratyn qujattardy kórsetpegen. Olardyń basym bóligi Qazaqstanǵa jumys izdep kelgen kórshiles elderdiń azamattary bolyp otyr. Ondaı azamattardyń árbireýiniń jeke basyn anyqtaýǵa bir aıǵa jýyq ýaqyt ketedi», - delingen oblystyq ІІD baspasóz qyzmeti.

Reıd barysynda polıtsııa qyzmetkerleri kóshi-qon zańnamasyn buzǵan 295 adamdy jaýapqa tartty. Olardyń 194-i  - shetel  azamattary.