Almaty «qyzyl aımaqta»: karantın rejımi kúsheıtiledi

ALMATY. QazAqparat - Almaty koronavırýs taralýyna baılanysty «qyzyl aımaqqa» ótti. Osyǵan oraı qalada karantın sharalary kúsheıtiledi. Bul týraly onlaın brıfıng barysynda qalalyq Sanıtarlyq epıdemıologııalyq baqylaý departamenti basshysynyń orynbasary Ásel Qalyqova aıtty, dep habarlaıdy QazAqparat tilshisi.

Brıfıng barysynda jýrnalıster Naýryz merekesine baılanysty epıdemıologııalyq ahýal qalaı ózgeretinin surady.

«Kez kelgen mereke halyq arasyndaǵy baılanysty arttyrady. ıAǵnı, bul aýrý taralýynyń kórsetkishin ulǵaıtady. Jurtshylyq Naýryz merekesin toılaýǵa daıyndalyp jatyr. Al búginnen bastap Almaty epıdemıologııalyq ahýal matrıtsasynyń qyzyl aımaǵyna ótti. Endi jappaı buqaralyq sharalarǵa tyıym salynady», - dedi Á.Qalyqova.

Onyń aıtýynsha, qalada shekteý sharalary kúsheıtiledi. Jaqynda qalanyń bas sanıtarlyq dárigeriniń qaýlysy jarııalanady. Qazir qujat talqylaý satysynda jatyr.