Almaty qysqa qanshalyqty daıyn

ALMATY. QazAqparat– Almaty kóshelerin qardan tazalaý úshin myńǵa jýyq arnaıy tehnıka daıyndaldy, dep habarlaıdy QazAqparat tilshisi.

«Almaty tazalyq» MQK habarlaýynsha, Almaty qalasy qysqa 100% daıyn.

«Qazirgi kezde qalanyń barlyq qar tazalaıtyn arnaıy tehnıkasy jumysqa 100% daıyn. Qys kezinde qar tazalaýmen 993 arnaıy tehnıka jáne 1 320 jol jumysshysy aınalysatyn bolady. Eger qar qalyń jaýatyn bolsa, qosymsha 150 júk aýdaratyn mashına tartylady», - dep habarlady «Almaty tazalyq» MQK.

Sonymen qatar, kompanııa oqystan bolatyn oqıǵalardyń aldyn alý úshin joldy tazalaýǵa ketetin ýaqyt normatıvin eskere otyryp, barlyq arnaı tehnıkalar qozǵalystarynyń baǵyttary jáne bekitilgen ýchaskedegi qar tazalaý tehnologııasy boıynsha jattyǵý uıymdastyrylatynyn atap ótti.

«Almaty tazalyq» MQK qar tazalaý jumystaryn tıimdi uıymdastyrý úshin qala turǵyndary men qonaqtaryn kólikterin ruqsat etilmegen jerlerde qaldyrmaýǵa jáne joldarda bolatyn keptelisterge túsinistikpen qaraýǵa shaqyrady.

«Qazgıdromettiń» aýa raıyn uzaq merzimdi boljaýy boıynsha Almatyda qar aralas jaýyn-shashyn 5-10 jáne 23-30 qarasha aralyǵynda bolady dep kútilýde.