Almaty «qoıý qyzyl aımaqqa» endi: Bekshın jańa qaýlyny túsindirdi
Spıker 29 shildedegi qaýlyǵa sáıkes, 2-16 tamyz kúnderi «qoıý qyzyl» aımaq boıynsha shekteý sharalary engizilgenin atap ótti.
«Elimizdiń bas memlekettik sanıtarlyq dárigeriniń qaýlysynda Almaty, Nur-Sultan, Shymkent, Atyraý jáne Qaraǵandy qalalarynda tamyzdyń 2-nen 16-na deıin «qoıý qyzyl» aımaq boıynsha, ıaǵnı demalys kúnderi shekteý sharalaryn engizý kerektigi aıtylǵan. Osyǵan baılanysty biz de qaýly qabyldadyq.
Bul jumys aýrýdyń aldyn alý úshin qajet. Jaǵdaıdyń óte kúrdeli ekenin ózderińiz de kórip otyrsyzdar. Jańa ǵana áriptesim Narıman Boltaıuly (Almaty qalasy Qoǵamdyq densaýlyq basqarmasynyń basshysy - red.) densaýlyq saqtaý ınfraqurylymymyz qandaı qıyn jaǵdaıda jumys istep jatqanyn, medıtsına qyzmetkerleri aýrýdy tómendetý úshin qandaı kúrdeli jumys atqaratynyn aıtyp berdi.
Biz de shekteý sharalaryn engizdik, endi barlyq nysandar «Ashyq» júıesinde bolmasa, jumys kúnderi de jabyq bolady. Al júıege qosylǵandar – jumys kúnderi 20:00-ge deıin qyzmet kórsete alady. Demalys kúnderi barlyq nysandar «Ashyq» júıesinde bolsa da, jumys istemeıdi», - dep túsindirdi J. Bekshın.