«Almaty-Qostanaı» poıyzynyń mas kúıde bolǵan jolserigi úsh kúnge qamaldy

ASTANA. QazAqparat - «Almaty-Qostanaı» jolaýshylar poıyzynda mas júrgen jolserik ákimshilik jazaǵa tartyldy.

Kóliktegi ІІD baspasóz qyzmeti habarlaýynsha, 11 sáýirde túngi saǵat 01.55-te «Jolaýshylar tasymaly» AQ-nyń «Soltústik» óńirlik fılıalynyń 31 jastaǵy jolserigi «Almaty-Qostanaı» poıyzynda jumys ornynda bola tura, jolaýshylarǵa balaǵat sózder aıtyp, azamattardyń tynyshyn alǵan, toqtatý-kranyn julyp alǵan. Sonyń saldarynan poıyz 12 mınýt turyp qaldy.

Kólik polıtsııasy qyzmetkerleri jolserik ústinen QR ÁQtK 440-baby 1-bóligi, 560-baby 1-bóligi boıynsha ákimshilik hattama toltyrdy. 
Áýlıekól aýdandyq soty joǵaryda atalǵan jolserikke qatysty QRÁQtK 434-baby 1-bóligin (usaq buzaqylyq) buzǵany úshin 3 táýlikke qamaýǵa alý jóninde ákimshilik jaza qoldaný týraly qaýly shyǵardy.

Qazir quqyq buzýshy Qostanaı aýdandyq ІІB-niń ýaqytsha ustaý abaqtysyna qamaldy.