Almaty kóshelerinen 1,5 myń tekshe metr qar shyǵaryldy
10:56, 17 Qańtar 2020
ALMATY. QazAqparat – Almaty kommýnaldyq qyzmetteri túni boıy jaýǵan qardy jınap jatyr, dep habarlaıdy QazAqparat.
Qala kóshelerindegi qardy jınaýǵa 617 tehnıka men 1625 jol jumysshysy shyqty. Kóktaıǵaqqa qarsy 3384 tonna materıal sebildi.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn qardan tazartý jumystary áli de jalǵasýda.
Túnde qalanyń qozǵalys bóligindegi qardy qyryp alyp tastaý boıynsha kolonnalar uıymdastyryldy.
Qala syrtyna 1,5 myń tekshe metr qar shyǵaryldy.
Aýdan ákimdikteri men qala ákimdiginde qar tazalaýdy jiti qadaǵalaıtyn kezekshilik táýlik boıyna uıymdastyrylǵan.