Almaty kóshelerine jańa avtobýstar shyqty

ALMATY. QazAqparat - Almaty kóshelerine jańa avtobýstar shyqty, dep habarlaıdy QazAqparat tilshisi.

«Almatyelektrotrans» JShS jańa «Zhongtong» avtobýstarynyń kezekti partııasyn aldy. Kópshiliktiń suranysy boıynsha № 121 baǵytyndaǵy qoǵamdyq kólik 100 paıyz jańardy. Josparlanǵan 18 avtobýs qala kóshelerine shyǵady, al taǵy ekeýi rezervte bolady», - dep habarlady qala ákimdigi.

Memlekettik tirkeýden ótip, «Ońaı» júıesi ornatylǵanan keıin avtobýstar jumysqa kirisedi. Qoǵamdyq kólik arnaıy qalalyq jolaýshylar tasymaly úshin jasalǵan. Avtobýs suıytylǵan tabıǵı gazben (CNG) júredi, kondıtsıonermen jáne vıdeobaqylaýmen jabdyqtalǵan.

Avtobýstyń syıymdylyǵy - 104 adam, otyratyn 22 oryn jáne qımyly shekteýli jolaýshylar úshin 3 oryn bar.