Almaty kóshelerine taǵy 3 myń kamera ornatylady
«Aldaǵy ýaqytta 3 myń beınebaqylaý kamerasy ornatylady. Qala turǵyndarynyń qaýipsizdik sharalaryn uıymdastyrýdyń mańyzdy jobasy biryńǵaı beınebaqylaý júıesi bolmaq. Eger buryn tek jol qozǵalysy qaýipsizdiginiń jaı-kúıi PD JBO arqyly baqylanatyn bolsa, 2020 jyldan bastap ortalyq azamattardyń kóp jınalatyn jerlerindegi, aýlalardaǵy jáne aýlalarǵa, polıtsııa pýnktterine irgeles aýmaqtardaǵy qozǵalys mártebesine ene bastady. Aldaǵy 2 jylda qaladaǵy barlyq jaǵdaıdy kórý úshin kameralardy saýda ortalyqtarymen jáne basqa da jeke menshik nysandarymen biriktirýdi josparlap otyrmyz», – dedi Almaty qalalyq PD aqparattandyrý jáne baılanys basqarmasynyń bastyǵy Olga Agafonova.
Almaty qalalyq polıtsııa departamentiniń málimetinshe, 4-7 qańtar aralyǵyndaǵy jappaı tártipsizdik kezinde 75 «Sergek» kesheni, ıaǵnı 304 beınekamera, sondaı-aq RTRK ǵımaratynda ornalasqan baılanys ortalyǵy, antenna jáne jelilik jabdyq isten shyqty.
Búgingi kúni barlyq zaqymdalǵan kameralar men jabdyqtar qalpyna keltirildi.
Talshyqty- optıkalyq taratý júıesi arnalaryna qosylýǵa arnalǵan jeke júıesi bar 1 103 kamerany qamtıtyn «Beınebaqylaý júıeleri» jobasy boıynsha tártipsizdikter kezinde 283 kamera, sondaı-aq shkaftar men taratý jabdyqtary isten shyqty. Qazirgi ýaqytta beınekameralar men zaqymdanǵan qondyrǵylar qalypty jumys istep tur.