«Almaty-Qorǵas» jolynda 35 shaqyrym elektr jelisi urlanǵan
Máselen, «Nur-Sultan-Şýchınsk» ýchaskesinde 2018 jyldan bastap 10 urlyq faktisi tirkelgen. Kabelder men úı janýarlardyń jolǵa shyqpaýy úshin ornatylǵan arnaıy qorshaýlarmen qatar, basqa da baǵaly tehnıkalyq-quraldar urlanýda. 2018 jyldyń sáýir aıynda demalys alańyndaǵy jappa (besedka), al aǵymdaǵy jyldyń tamyz aıynda aqyly ýchaskeden dızeldi-generator urlanǵan. Sonymen qatar, 7 dana jaryq projektory, 30-ǵa jýyq jaryq beretin qurylǵy, 412 birlik konsol urlanǵan.
«Nur-Sultan-Temirtaý» ýchaskesinde 5 myń metrden astam qorshaý urlandy.
Kabelder men qorshaýlardy urlaý faktileri Almaty oblysyndaǵy aqyly ýchaskelerde de jıi tirkeledi. Bul oblystaǵy urlyqtyń aýqymy da keń. «Almaty-Qorǵas» aqyly jolyndaǵy qaıta jańartý jumystarynan keıin ýchaskeden 35 shaqyrym elektr jelisi urlanǵan. Alaıda, bul atalmysh ýchaskedegi urlyq faktileriniń tek bastamasy ǵana. Baıserke, Aqbastaý jáne Qazatkom jol aıyryǵynda 3 transformator urlanǵan. «Almaty-Qapshaǵaı» ýchaskesindegi úsh ret urlanǵan elektr jelileriniń jalpy kólemi 6 shaqyrymǵa jetedi.
Joldyń boıyndaǵy demalys alańdarynan oryndyq pen ústeldermen qatar, aıaldama pavılondaryn urlaǵan faktiler de tirkelgen.
Urlaý faktileri anyqtalǵannan keıin Dırektsııa qyzmetkerleri shuǵyl túrde ishki ister bólimine habar beredi. Polıtsııa qyzmetkerleri oqıǵa ornynda akt jasap, 1 táýliktiń ishinde resmı hat jergilikti polıtsııa bólimshesine jetkizedi.
«QazAvtoJol» UK» AQ «Aqyly avtomobıl joldary dırektsııasy» fılıaly jol belgilerin urlaý joldaǵy qaýipsizdikke áser etetinin eskertedi.