Almaty qoǵamdyq keńesiniń ókilderi referendýmda belsendilik tanytyp jatyr

ALMATY. QazAqparat- Almaty qalalyq qoǵamdyq keńesiniń músheleri elimizdegi saıası mańyzdy naýqanǵa belsendi qatysyp jatyr, dep habarlaıdy QazAqparat tilshisi.

Erekshe qajettiligi bar adamdardyń quqyǵyn qorǵaýshy belsendi Bogdan Djepka Túrksib aýdanynda óz tańdaýyn jasady.

«Ýchaske qoljetimdi etip jasalǵan, ártúrli toptaǵy múgedektigi bar adamdar úshin bári daıyn. Braıl qarpi bar trafaretter men qulaqqaby bar kompıýter de nazardan tys qalmapty. Men óz tańdaýymdy jasadym», - dep atap ótti Bogdan Djepka.

Qoǵamdyq keńestiń ókili Marat Shıbutov halyqty referendýmǵa belsendi qatysýǵa shaqyrdy.

«Tarıhı oqıǵaǵa qatysý múmkindigin jiberip almańyz, bizde kún saıyn referendým bola bermeıdi» ,- deıdi saıasattanýshy jáne qoǵam qaıratkeri Marat Shıbutov.

Ulan Іńkárbekov te óz áserin bólisti.

«Referendým joǵary deńgeıde uıymdastyryldy. Múmkindigi shekteýli jandardy ınvataksımen ýchaskege aparyp-ákelý jaqsy uıymdastyryldy, al daýys berý kabınalary qoljetimdi jáne yńǵaıly», - deıdi ol.