Almaty kitaphanalary jańa formatqa kóshti

ALMATY. QazAqparat - Ortalyqtandyrylǵan kitaphanalar júıesiniń obektilerin modernızatsııalaý qala ákimi Baqytjan Saǵyntaevtyń tapsyrmasyna sáıkes iske asýda, dep habalaıdy QazAqparat tilshisi.

Kitaphanalardy modernızatsııalaýdyń basty mindeti - qyzmetterdiń sapaly jańa júıesin qurý, kitaphanalardy bilim alý, kommýnıkatsııa jáne bos ýaqytty ótkizý úshin kópfýnktsıonaldy ortalyqtarǵa aınaldyrý.

Almatylyqtardyń azamattyq, shyǵarmashylyq, zııatkerlik áleýetin damytý jáne oqýǵa degen qyzyǵýshylyǵyn arttyrý úshin qalanyń ár aýdanynda ornalasqan 25 kitaphana qaıta jańǵyrtýdan ótip jatyr. Solardyń biri - Jambyl atyndaǵy qalalyq jasóspirimder kitaphanasy, munda kún saıyn 500-den 1500 deıin oqyrmanǵa arnaǵan zamanaýı oqý ortalyǵy quryldy.

2019 jyly № 15, 20, 24, 32, 33 fılıal kitaphanalary qaıta jasaldy, 2020 jyly № 1, 4, 6, 26, 29, 30 kitaphana zaman talabyna saı jańartyldy. Olardyń ishinde A.Chehov atyndaǵy ortalyq qalalyq kitaphana, Krylov atyndaǵy qalalyq balalar kitaphanasy, Qazaqstan Jazýshylarynyń kitaphanasy bar.

Kitaphanalardyń zamanaýı dızaıny ýaqytty jaqsy ótkizýge múmkindik beredi, bul shyǵarmashylyq oqyrmandar qaýymdastyǵynyń kezdesýlerin, sheberlik synyptaryn ótkizýge yńǵaıly alań.

Kitap qory ınternette jalpyǵa qol jetimdi, jaıly bólmeler jabdyqtalǵan, paıdaly aqparatty jyldam tabýǵa kómektesetin zamanaýı tehnologııalar qoldanylady. Balalar men jas oqyrmandar úshin oıyndarǵa, demalýǵa jáne kitap oqýǵa qolaıly jaǵdaılar jasalǵan.

Modernızatsııadan keıin jańa kitaphanalar tek kitap oqıtyn oryn ǵana emes, sonymen qatar almatylyqtar ózderiniń shyǵarmashylyq áleýetin iske asyratyn, demalyp, júzdesetin orynǵa aınalady. Sonymen qatar, jańa kitaphanalar ártúrli sanattaǵy oqyrmandar úshin erkin úıirmeler jumysyn uıymdastyrýda.

2020 jyldyń jeltoqsanynda «ALATAU CREATIV HAB» jańa shyǵarmashylyq ortalyǵy ashyldy. Munda turǵyndarǵa jańa kitaphananyń jumysy usynylady, balalarǵa arnalǵan bilim berý is-sharalary, tusaýkeser, trenıngter jáne 20 tegin úıirmelerdiń jumystary uıymdastyrylǵan.

2021 jyly kitaphana júıesin qaıta jańǵyrtý qalǵan úsh kitaphana fılıalynda júzege asady. Olar: №39 balalar fılıaly (Dostyq dańǵyly, 111/4), №14 buqaralyq kitaphana fılıaly (Rımskıı-Korsakova kóshesi, 3) jáne Begalın atyndaǵy ortalyq qalalyq balalar kitaphanasy.