Almaty kedenshileri bir kúnde 70 mln.ǵa jýyq teńgeniń kontrabandalyq taýaryn anyqtady

ALMATY. 11 mamyr. QazAqparat - Keshe Almatyda qalalyq kedendik baqylaý departamentiniń qyzmetkerleri ekonomıkalyq kontrabanda boıynsha Qytaı elinen ákelingen taýarlardyń 2 faktisin anyqtady.

Olar keden organynda deklaratsııadan ótpegen,  jasyryn túrde el aýmaǵyna  zańsyz alyp ótkizbek bolǵan tehnıkalyq taýarlar bolyp shyqty.  Aldymen 56 271 720 teńgeniń kedendik alymy men salyqtary tólenbegen DVD, avtokólikterge arnalǵan dabyl berý qurylǵylary, qol saǵattary, mopedter sekildi halyq keńinen tutynatyn taýarlar áshkerelendi. Tekserý amaldaryn júrgizý kezinde  ondaǵy taýarlardyń ishinde  lıýstra, avtomagnıtolla sııaqty ózge de zattar tabyldy. Al olardan bıýdjetke kedendik alym men salyq túrinde túspegen qarajattyń kólemi 13 368 891  teńge bolyp otyr. Endi   Almaty qalasy boıynsha Kedendik baqylaý departamenti bul  faktiler boıynsha  QR Qylmystyq kodeksiniń  209 babynyń  2 tarmaǵyna sáıkes qylmystyq is qozǵamaq.