Almaty qalasynyń jańa bas jospary jyl sońyna deıin daıyn bolady
Onyń aıtýynsha, birneshe jyl boıy Almaty ákimdigi bas josparǵa túzetý engizý úshin jumys istedi.
«Úlken jumys atqaryldy. Biraq, ókinishke qaraı, bas jospardy túzetý 2002 jyly bekitilgen bas josparǵa negizdelgen. Odan beri jıyrma jyl ótti. Qazir qala da, ekonomıka da ózgerdi. Almaty oblysy da ózgerdi. Bas jospardy túzetýge atsalysqandardyń bárine alǵys aıtqym keledi, oǵan 3-4 jyl ýaqyt ketti, biraq biz jyl sońyna deıin Almaty qalasyn damytýdyń jańa bas josparyn usynamyz», – dedi ákim.
Ákimniń sózinshe, búginde qala men qala mańyndaǵy aýmaqtardy birdeı damytý mańyzdy.
Jańa bas josparda aglomeratsııanyń ýrbandalý protsesin jedeldetý tetikteri de qarastyrylady.
«Boljamdyq esep boıynsha, 2030 jylǵa qaraı Almaty aglomeratsııasynyń halqy shamamen 4,5 mln adamǵa jetedi. Osy tendentsııalar men jedel damý jáne ýrbanızatsııa protsesteriniń boljamyn eskere otyryp, Almaty ákimdigi 2040 jylǵa deıingi boljamdy merzimi bar jańa bas jospardy ázirleýge kiristi», - dedi Erbolat Dosaev.