Almaty qalasynyń bas sáýletshisi qyzmetinen bosatyldy

ALMATY. QazAqparat - Almaty qalasynyń bas sáýletshisi Ǵabıt Sadyrbaev qyzmetinen bosatyldy. Bul týraly Almaty qalasynyń ákimi Baýyrjan Baıbek búgin tıisti buıryqqa qol qoıdy. Oǵan Ǵabıt Sadyrbaevtyń jumystan bosatý týraly aryzy negiz boldy.

Almaty qalasy ákiminiń baspasóz qyzmetiniń habarlaýynsha, Almaty qalasynyń bas sáýletshisi qyzmetin atqarýshy bolyp Aıtileý Janat Ábdihalyquly taǵaıyndaldy. Ol buǵan deıin  osy  basqarmasy basshysynyń orynbasary qyzmetin atqaryp keldi.

Aıta ketelik, Ǵabıt Sadyrbaev 1954 jyly týǵan. V. I. Lenın atyndaǵy Polıtehnıka ınstıtýtyn támamdaǵan. Mamandyǵy  - sáýletshi. Polıtehnıka ǵylymdarynyń kandıdaty.

Eńbek jolyn 1977 jyly Almaty qalasyndaǵy «Kazgorstroıproekt» jobalaý ınstıtýtynda sáýletshi bolyp bastaǵan.

2007 jyly Ońtústik Qazaqstan oblysy ákiminiń keńesshisi bolyp taǵaıyndaldy.

2012 jyldan beri Almaty qalasy Sáýlet jáne qala qurylysy basqarmasynyń basshysy qyzmetin atqaryp keldi.

2014 jyly «Qurmet» ordenimen marapattalǵan. «Qazaqstannyń qurmetti sáýletshisi» ataǵyn ıelengen.