Almaty qalasynyń ákimdigi men Halyqaralyq qarjy uıymy yntymaqtastyq týraly kelisimge qol qoıdy

ALMATY. QazAqparat - Almaty qalasynyń ákimdigi men halyqaralyq qarjy uıymy (IFC) «jasyl» oblıgatsııalar túrinde uzaq merzimdi kommertsııalyq syrtqy qarjylandyrýǵa qoljetimdilikti jaqsartý jónindegi yntymaqtastyq týraly Kelisimge qol qoıdy, dep habarlaıdy QazAqparat tilshisi.

Kelisim aıasynda IFC ulttyq valıýtada uzaq merzimdi syrtqy qaryz alýdy tartý úshin zańnamalyq bazany jetildirý maqsatynda qala ákimdigine óteýsiz tehnıkalyq qoldaý kórsetedi.

«Qazirgi kezde Ortalyq Azııadaǵy alǵashqy mýnıtsıpaldyq «jasyl oblıgatsııa» túrinde áleýetti syrtqy qarjylandyrý boıynsha pılottyq tranzaktsııany daıyndaý jumystary jalǵasýda. Bul jumys turaqty jáne jasyl ınfraqurylym qalyptastyrýdy talap etetin Almaty aglomeratsııasyn damytý jónindegi memlekettik saıasatqa sáıkes keledi»,- dep habarlady Almaty ákimdiginen.