Almaty qalasynda ınnovatsııalyq qyzmettiń damýyn júzege asyrýdyń barlyq quraldary bar - Ahmetjan Esimov
Bul búgin Almaty qalasynyń І Innovatsııalyq konventinde aıtyldy, dep habarlaıdy QazAqparat.
"Almatyda ekonomıkanyń damýyna qajetti mamandyqtardy oqytatyn beldi joǵary oqý oryndary shoǵyrlanǵan. Qazirgi kezde ýnıversıtetter, qoldanbaly jáne akademııalyq ınstıtýttar janynda kishi bıznestiń ǵylymı-tehnıkalyq jáne ınnovatsııalyq mekemeleri qurylyp, tehnoparkter ashylyp jatyr. Jaqynda Almaty qalasyndaǵy ınnovatsııalyq damýdyń tujyrymdamasyn jasap, ınnovatsııalar men jańa tehnologııalar boıynsha ǵylymı keńes qurýǵa sheshim qabyldandy. Keńestiń jumysy aıasynda biz búgin kýá bolyp otyrǵan Almaty qalasynyń 1-shi ınnovatsııalyq konventin ótkizýdemiz", dedi qala ákimi Ahmetjan Esimov. Onyń paıymdaýynsha, respýblıkalyq ınnovatsııalyq damý qozǵalysynyń Almaty qalasynan bastaý alýy zańdylyq. Oǵan barlyq damyǵan elderde erekshe mán beriledi.AQSh, Germanııa, Frantsııa sııaqty memleketterdiń ınnovatsııalyq shyǵyndary jalpy ishki ónimniń 2,5 paıyzyn quraıdy. Qazaqstanda ol 10 ese kem.