Almaty qalasyna tartylǵan ınvestıtsııa kólemi ósti

ALMATY. QazAqparat – Qala ekonomıkasyna salynǵan ınvestıtsııa kólemi karantınge qaramastan 10 paıyzǵa artqan. Bul týraly onlaın brıfıng barysynda qalalyq Kásipkerlik pen ınvestıtsııalar basqarmasynyń basshysy Erkebulan Orazalın aıtty, dep habarlaıdy QazAqparat tilshisi.

Onyń aıtýynsha, saýda kóleminiń qysqarýyna qaramastan pandemııa kezinde Almaty ınvestıtsııalyq tartymdylyǵyn joǵaltpaǵan.

«Jalpy alǵanda saýda, qyzmet kórsetý salasy álsirese de ónerkásip boıynsha qalada turaqtylyq saqtalǵan. 7 aıda kórsetkish 100,9 %-ǵa jetti. Qalada 420 mlrd teńgeniń ónimi óndirilgen. Qalanyń ınvestıtsııalyq qarqyny azaıdy depaıtý qıyn. Sebebi 8 aıda biz 500 mlrd teńge jınap aldyq», - dedi E.Orazalın.

Sondaı-aq, ol kórsetilgen kezeńde ınvestıtsııalar blogy boıynsha naqty kólem ındeksi 110% jetkenin aıtty.

«Investorlar kelip jatyr. Qarajat salyp jatyr. Karantın kezindegi aýyr ekonomıkalyq ahýaldan shyǵý úshin bul óte mańyzdy», - dedi Orazalın.