Almaty qalasy sport basqarmasynyń burynǵy basshysy 4,5 jylǵa sottaldy

ALMATY. QazAqparat - Almaty qalasy Medeý aýdanynyń №2 sotynda qalalyq sport basqarmasynyń burynǵy basshysy Rústem Baıseıitovke úkim shyǵaryldy, dep habarlaıdy QazAqparat tilshisi.

Medeý aýdanynyń № 2 aýdandyq sotynyń sýdıasy Jomart Muhametjanov sport basqarmasynyń burynǵy basshysyn kináli dep taýyp, memlekettik qyzmette, qarjy uıymdarynda qyzmet atqarý quqyǵynan ómir boıyna aıyra otyryp, 4 jyl 6 aı merzimge bas bostandyǵynan aıyrý jazasyn taǵaıyndady.

Ol jazasyn ortasha qaýipsizdik qylmystyq-túzeý júıesi mekemesinde óteıtin bolady.

Eske salsaq, Almaty qalasy Sport basqarmasynyń laýazymdy tulǵalary 360 mıllıon teńgeden astam qarjyny jymqyrdy degen kúdikke ilingen bolatyn

Sybaılas jemqorlyqqa qarsy agenttigi Almaty qalalyq sport basqarmasynyń burynǵy basshysyna jáne basqa adamdarǵa qatysty 367,5 mln teńge urlaý faktisi boıynsha tergeý aıaqtalǵanyn habarlaǵan edi