Almaty qalasy men úsh oblys nysanaly transfertti ıgermegen

NUR-SULTAN. QazAqparat – Almaty qalasy men úsh oblys nysany transfertti ıgere almady. Bul týraly búgin Úkimet otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

Onyń atap ótýinshe, osy jyldyń birinshi toqsanynda jergilikti bıýdjetterdiń shyǵystary 1 trln 855 mlrd teńgeni qurady. Atqarylmaǵany - 22 mlrd teńge.

«Osy jyly óńirlerge 2,6 trln teńge somasyna jýyq nysanaly transfertter kózdelgen. Olarǵa 1 sáýirge 490 mlrd teńge bólingen. Onyń 99 paıyzy ıgerilgen», - dedi ol.

Mınıstrdiń dereginshe, bólingen qarajattyń atqarylmaǵany – 5 mlrd teńge, onyń ishinde 2 mlrd teńge únemdelse, 3 mlrd teńgesi ıgerilmeı qalǵan.

«Eń kóp ıgerilmegen soma Almaty qalasynda, Aqtóbe, Mańǵystaý jáne Túrkistan oblystarynda qalyptasty», - dedi Erulan Jamaýbaev.