Almaty qalasy men Almaty oblysynda ótken arnaıy operatsııada 675 kúdikti ustaldy - UQK
21:45, 10 Qańtar 2022
NUR-SULTAN. QazAqparat - 8 qańtardan bastap Almaty qalasy men Almaty oblysynda UQK, Іshki ister jáne Qorǵanys mınıstrlikteri men Ulttyq ulannyń arnaıy bólimshelerinen quralǵan kúsh 675 kúdiktini ustady, dep habarlaıdy QazAqparat.
Bul jaıynda Ulttyq qaýipsizdik komıteti resmı málimet taratty.
Jeke basyn tekserý jáne avtomobılder men úı-jaılardy tintý barysynda demonstranttardyń polıtsııadan tartyp alǵan qarý-jaraqtar, oq-dáriler, quqyq qorǵaý organdary qyzmetkerleriniń jalǵan qujattary, ólimge ákep soqtyrmaıtyn quraldar (jaryq-dybystyq granatalar, shlemder, qalqandar, amýnıtsııa) jáne tonalǵan múlikter (turmystyq tehnıka, mobıldi qurylǵylar, kıim jáne basqalar) tabylyp jatyr.
«Barlyq azamattardy quqyq qorǵaý jáne arnaıy organdarǵa quqyqtyq tártipti turaqtandyrý men qalpyna keltirýde kómek kórsetýge shaqyramyz» dep eskertedi komıtet.