Almaty qalalyq sotynyń sýdıasy ustalyp, ýaqytsha oqshaýlaý abaqtysyna qamaldy - Bas prokýratýra

ASTANA. 6 qyrkúıek. QazAqparat - 2013 jyldyń 3 qyrkúıeginde Qazaqstan Respýblıkasynyń Bas grokýrory Almaty qalalyq sotynyń sýdıasy K.D.Ótemisovaǵa qatysty Qazaqstan Respýblıkasy Qylmystyq Kodeksiniń 350-baby boıynsha aýyr zardaptarǵa ákelip soqtyrǵan kórineý ádiletsiz sot aktisin shyǵarǵany úshin qylmystyq is qozǵady.

Bul týraly QR Bas prokýratýrasynyń baspasóz qyzmeti habarlady.

2013 jyldyń 28 naýryzynda Almaty qalasy mamandandyrylǵan aýdanaralyq sotynyń úkimimen A.Sýtıagınskıı jaldaý arqyly adam óltirýge oqtalýǵa daıyndalǵany jáne ony uıymdastyrǵany úshin, atys qarýyn jáne oq-dárilerdi zańsyz saqtaǵany úshin jeke múlikterin tárkileı otyryp 6qatań rejımdegi túzetý kolonııasynda jazasyn óteýge 12 jylǵa sottalǵan bolatyn.

Almaty qalasy sotynyń apellıatsııalyq sot alqasynyń sýdıasy K.Ótemisovanyń 2013 jylǵy 12 tamyzdaǵy qaýlysymen A.A.Sýtıagınskııdiń áreketi adam óltirýge oqtalýǵa daıyndalý jáne ony uıymdastyrý bolyp qaıta saralanyp, oǵan shartty túrde 6 jylǵa bas bostandyǵynan aıyrý taǵaıyndaldy. Atys qarýyn jáne oq-dárilerdi zańsyz saqtaý boıynsha A.A.Sýtıagınskııdiń kinási dáleldenbegendikten, ol aqtaldy.

Almaty qalasynyń Kassatsııalyq sot alqasy appelıatsııalyq satynyń qaýlysynyń kúshin joıyp, qylmystyq ister boıynsha mamandandyrylǵan aýdanaralyq sottyń 2013 jylǵy 28 naýryzda shyǵarǵan úkimin ózgerissiz qaldyrdy, sondaı-aq sýdıa K.Ótemisovaǵa qatysty jeke qaýly shyǵardy.

Atap aıtqanda, kassatsııalyq alqa sýdıa Ótemisovanyń jınaqtalǵan dálelderge durys baǵa bermeýinen jáne qylmystyq zańnyń normalaryn durys paıdalanbaýynan sot tóreligin júzege asyrý barysynda zańdylyqtyń óreskel, qasaqana buzylýynyń oryn alǵanyn kórsetti.

Asa aýyr qylmys jasaǵan tulǵaǵa eshqandaı negizsiz shartty jaza qoldanýdyń saldary istegen áreketi úshin qarastyrylǵan qylmystyq jaýapkershilikten Sýtıagınskııdiń qutylyp ketýine ákelip soqtyrdy, qazirgi ýaqytta onyń qaıda ekendigi beımálim jáne oǵan izdeý jarııalandy.

K.Ótemisova aǵymdaǵy jylǵy 6 qyrkúıekte ustalyp, ýaqytsha ustaý abaqtysyna jabyldy.

Qylmystyq isti tergeý Qazaqstan Respýblıkasy Bas prokýratýrasynyń Arnaıy prokýrorlar departamentine tapsyryldy.