Almaty qalalyq máslıhatynyń jańa depýtaty saılandy

ALMATY. QazAqparat - Búgin Almaty qalasy máslıhatynyń kezekten tys VII sessııasynda Almat Qodasbaev memlekettik qyzmetke aýysýyna baılanysty depýtattyq ókilettigin merziminen buryn toqtatty, dep habarlaıdy QazAqparat.

Qala máslıhatynyń aqparatyna sáıkes, «Saılaý týraly» Zańǵa jáne «AMANAT» partııasy qalalyq fılıaly Saıası keńesi bıýrosynyń sheshimi boıynsha Almaty máslıhatynyń depýtattyǵyna partııalyq tizim boıynsha Shalbaeva Aıgúl Dúısenqyzy saılandy.

Aıgúl Shalbaeva – medıtsına ǵylymdarynyń kandıdaty, atalǵan salada 25 jyldan astam tájirıbesi bar. Almaty Medıtsına ınstıtýtyn «Emdik isi» mamandyǵy boıynsha bitirip, eńbek jolyn Almaty qalasyndaǵy temirjol aýrýhanasynda dáriger-gınekolog qyzmetinen bastady. Qazirgi ýaqytta Aıgúl Shalbaeva «Kerýen-Medicus» kópsalaly medıtsınalyq ortalyǵynyń basshysy qyzmetin atqarady.

Sonymen qatar sessııada depýtat Jandos Nádirov densaýlyq saqtaý, bilim jáne jumyspen qamtý jónindegi turaqty komıssııasynyń jańa tóraǵasy bolyp saılandy.