Almaty qalalyq ákimshilik sotynyń mamany aldaý arqyly 100 myń teńge ıemdengen

NUR-SULTAN. QazAqparat - Almaty qalalyq mamandandyrylǵan aýdanaralyq ákimshilik sotynyń mamany aldaý arqyly bireýdiń 100 myń teńge qarajatyn ıemdengen. Bul týraly QR Sybaılas jemqorlyqqa qarsy is-qımyl agenttiginiń tergeýshisi Qaısar Barjaqsynov aıtty, dep habarlaıdy QazAqparat tilshisi.

«Almaty qalalyq sybaılas jemqorlyqqa qarsy qyzmeti QR Joǵarǵy sotynyń ishki qaýipsizdik jáne sybaılas jemqorlyqtyń aldyn alý bólimimen birlesken is-sharalar barysynda qalanyń mamandandyrylǵan aýdanaralyq ákimshilik sotynyń jetekshi mamanyn áshkereledi», - dedi agenttik tergeýshisi.

Onyń aıtýynsha, kúdikti is boıynsha ákimshilik qamaýǵa alýdy qoldanbaý týraly sot sheshimin shyǵarýdy syltaýratyp, aldaý jáne senimge qııanat jasaý arqyly bir azamattyń 100 000 teńge kólemindegi aqshalaı qarajatyn ıemdený kúdigine ilikken.

«Kúdikti óz kinásin tolyq moıyndady», - dedi Qaısar Barjaqsynov.