Almaty halyqaralyq áýejaıy jańa termınalynyń eskızi jarııalandy
Qoǵamdyq talqylaýǵa Almaty qalasy qoǵamdyq keńes músheleri, sáýlet jáne tabıǵatty qorǵaý uıymdary, qurylys, áýe kompanııalarynyń ókilderi, kásipkerler, sonymen qatar qala turǵyndary qatysty.
2021 jyldyń mamyr aıynda Almaty áýejaıyn satyp alǵan TAV Airports kompanııasy halyqaralyq jolaýshylar termınalynyń jańa ǵımaratyn salýdy josparlap otyr.
Jańa termınal salynǵannan keıin áýejaıda jylyna 14 mıllıon jolaýshyǵa deıin qyzmet kórsetiletin bolady, ıaǵnı eki esege artady.
«Talqylaý barysynda qoǵam ókilderiniń túrli pikiri tyńdaldy, olardyń Almaty áýejaıynyń jańa halyqaralyq jolaýshylar termınalynyń tujyrymdamalyq dızaıny týraly oılary sońǵy sheshimdi qabyldaý kezinde eskeriledi»,- dep habarlady áýejaıdyń baspasóz qyzmeti.
Buǵan deıin «Almaty halyqaralyq áýejaıy» AQ prezıdenti Ersoı Alp Er Týnga áýejaıdyń jańa termınaly qoldanysqa 2024 jyly beriletinin aıtqan bolatyn.
Aıta keteıik, Memleket basshysy Qasym-Jomart Toqaev Almaty qalasyna jasaǵan jumys sapary barysynda ońtústik astana áýejaıynyń jańa halyqaralyq termınaly qurylysyna ruqsat bergen edi.