Almaty halyqaralyq áýejaıy shtattyq rejımde jumys istep tur

ALMATY. QazAqparat- Almaty áýejaıynda «bomba» qoıyldy degen aqparat rastalmady, dep habarlaıdy QazAqparat tilshisi.

Almaty halyqaralyq áýejaıy baspasóz qyzmetiniń málimetinshe, «jarylǵysh zat» týraly aqparat rastalmady.

«Áýe kemesine «bomba» qoıyldy degen aqparat túse salysymen, tótenshe jaǵdaı jospary boıynsha keshendi tekserý júrgizildi. Aqparat rastalmady. Áýejaı qalypty rejımde jumys istep tur», - dep habarlady áýejaıdyń baspasóz qyzmetinen.

Buǵan deıin qalanyń shuǵyl jedel qyzmetteri Almaty halyqaralyq áýejaıyn tekserýge jumyldyrylǵanyn jazyp edik.

Sáýirdiń 14 kúni Almaty áýejaıynyń elektrondy poshtasyna Mınsk-Almaty baǵytyndaǵy ushaq bortyna jarylǵysh zat qoıylǵany týraly aqparat taraǵan bolatyn.