Almaty garnızonynda kóktemgi áskerı shaqyrý týraly túsindirildi

ALMATY. QazAqparat – Almatyda kóktemgi áskerge shaqyrylǵandar jınalý pýnktinde 3 kún medıtsınalyq qaraýdan ótedi, dep habarlaıdy QazAqparat tilshisi.

Almaty qalalyq garnızonynyń baspasóz qyzmetiniń málimdeýinshe, qazir qalada kóktemgi áskerı shaqyrý júrip jatyr. Kóktemde bolǵan karantınge baılanysty bul protsess jazǵa qaldyrylǵan bolatyn.

«Ereje boıynsha olar Qazaqstan Qarýly kúshteri qataryna áskerı qyzmetke barmas buryn 3 kún qalalyq Qorǵanys departamentiniń jınalý pýnktinde medıtsınalyq qaraýdan, psıhologııalyq testileýden ótip, áskerı bólim basshylarymen áńgimelesedi», - dedi baspasóz qyzmetinen.

Shaqyrylýshylardy irikteý kezinde olarǵa 3 mezgil tamaq pen jatyn oryndy qamtamasyz etedi. Alaıda rejımdik nysanda uıaly telefon qoldanýǵa bolmaıdy.

Áskerı qyzmetke jaramdy dep tanylǵandar áskerı bólimderge jiberilse, jaramsyzdary úılerine qaıtarylady.

«Olardyń barlyǵy jaqyndarymen kezdesedi. Biraq, karantın bolǵandyqtan, burynǵydaı saltanatty shyǵaryp salý bolmaıdy», - dedi baspasóz qyzmetinen.

Munyń aldynda ata-analar balalaryn jınalý pýnktine jınap alyp, esh habarsyz qaldyrǵanyn aıtyp shaǵymdanǵan bolatyn.