Almaty ǵalymdary munaı tasymalyna arnalǵan jańa tsıfrlyq baǵdarlama jasap shyǵardy

ASTANA. QazAqparat - Satbayev University men «QazTransOıl» AQ  mamandary birlese otyryp munaıdy magıstraldyq qubyrlarmen aıdaýdy onlaın rejıminde baqylap ońtaılandyryp otyratyn jáne monıtorıng jasaýǵa múmkindik beretin tsıfrlyq tehnologııa daıyndap shyǵardy, dep habarlaıdy «QazAqparat» HAA Satbayev University baspasóz qyzmetine silteme jasap.

«SmartTran baǵdarlamasy onlaın rejıminde aqparattardy jyldam óńdep munaı tasymalyn basqaryp, rettep jáne baqylap otyra alady. Sonymen birge baǵdarlama sorǵy agregattary men jylytý peshteriniń jáne basqa da qurylǵylardyń jumys tıimdiligin arttyra alady»,-deıdi baǵadarlama avtorlarynyń biri Uzaq Japbasbaev.

Baspasóz qyzmeti málimdegendeı aqparttyq tehnologııalar turǵysynan alyp qaraǵanda SmartTran baǵdarlamasynyń ázirge álemde balamasy joq.

«Biregeı baǵdarlamany bizdiń ǵalymdar oılap tapty. Osy arqyly munaı qospalaryn aıdaý kezinde elektr qýatyn únemdep, modeldeý jáne ońtaılandyrý jumystaryn júzege asyra alamyz», - deıdi professor Baǵdáýlet Kenjalıev.

Aıta keterligi SmartTran baǵdarlamasy qazirdiń ózinde «QazTransOıl» AQ munaı qospalary basqarý júıesine engizilip, kompanııanyń jumys tıimdiligin arttyrý ústinde.