Almaty ekologııasy eń las qalalar qatarynda - mınıstrlik

ALMATY. QazAqparat - QR Ekologııa, geologııa jáne tabıǵı resýrstar mınıstrligi Ekologııalyq retteý jáne baqylaý komıtetiniń tóraǵasy Zýlfýhar Joldasov Almatynyń ekologııalyq ahýaly týraly aıtty, dep habarlaıdy QazAqparat tilshisi.

Zýlfýhar Joldasovtyń málimetinshe, karantın engizilgen kúnnen bastap mınıstrlik turǵyndarmen birge ekologııalyq monıtorıng júrgizdi.

«Synama 20 baqylaý stansasynan, qalanyń ártúrli aýdandarynan jáne JEO-2 sanıtarlyq aımaǵynan alyndy. Taldaý kórsetkendeı, ótken jyldyń naýryz-sáýirimen salystyrǵanda osy jyldyń dál osy kezeńinde qalanyń tómengi bóliginde kontsentratsııa joǵary (RM-2,5 jáne RM-10) boldy. Bul lastaný jylý elektr stansalaryna tán»,– deıdi Zýlfýhar Joldasov.

Sonymen qatar, ol Almaty eń las qalalardyń qatarynda ekenin atap ótti.

«Almaty birneshe jyl boıy eldegi eń las qalalardyń tiziminde tur. Oǵan jylý kózderinen shyǵatyn qaldyqtar jáne joldaǵy kólikterdiń keptelisi sebep boldy. 2019 jylǵy esep boıynsha atmosferaǵa 114 myń lastaıtyn zat bólingen, onyń 34 paıyzy jylý kózderinen, 52 paıyzy kólikten jáne 14 paıyzy jeke sektordan shyqqan. TETs-3 jáne TETs-2-ni gazǵa almastyrý kerek, sonda TETs-2 qalanyń úshten bir bóligine teń bolady», - dedi ol.