Almaty Densaýlyq saqtaý basqarmasynyń basshysy qyzmetinen ketti
Ý.Ahmetov qyzmetinen óz erkimen ketti.
Onyń mindetin ýaqytsha qalalyq Densaýlyq saqtaý basqarmasy basshysynyń orynbasary Isabekov Nurjan atqaratyn boldy.
Sońǵy eki jylda densaýlyq saqtaý júıesin qarjylandyrý edáýir ósti. Tek 2017 jyldyń ózinde ǵana 9 jańa nysan salyndy. Qalaǵa qosylǵan eldi mekenderdi medıtsınalyq ınfraqurylymǵa qoljetimdi etýge erekshe nazar aýdaryldy. Tolyq jabdyqtalǵan jańa 40 avtokólik alynyp, jedel járdem parki 25 paıyzǵa jańardy.
Medıtsınalyq týrızmdi damytý qarqyndy júrýde. Halyqqa statsıonarlyq jáne osyǵan uqsas kómek kórsetýde jeke medıtsına uıymdarynyń úlesi artty. Mysaly, jeke ınvestıtsııa esebinen Reprodýktıvti medıtsına ınstıtýty - EKO ortalyǵy quryldy.
Mindetti medıtsınalyq qamsyzdandyrýdy engizý boıynsha qarqyndy jumystar júzege asty. Qalada búgingi kúni 1 mln. 800 myńnan astam adam medıtsına uıymdarynda tirkelgen.
Orta Azııa elderi men Qazaqstanda alǵash ret Almaty qalasy Dúnıejúzilik densaýlyq saqtaý uıymynyń «Salaýatty qalalar» jobasyna endi.
№4 qalalyq klınıkalyq aýrýhananyń qabyldaý bóliminde syrqatqa keshendi kómek kórsetýdiń «Emergency room» jobasy júzege asty.
Almatynyń densaýlyq saqtaý júıesi Ýnıversıadany ótkizý kezinde alǵa qoıǵan mindetterdi oıdaǵydaı atqardy. Eki kópprofıldi statsıonar bazasynda tikushaq qonatyn alań salyndy, sonyń arqasynda naýqasqa zamanaýı medıtsınalyq kómek der kezinde kórsetildi.
Almatyda densaýlyq saqtaýdyń negizgi kórsetkishteri oń dınamıkany kórsetip keledi. Mysaly, balalar ólimi ( 1 jastan 2 jasqa deıin) 2,5 ese tómendegen, týberkýlezge shaldyqqandardy ambýlatorııalyq jolmen emdeý 2 ese ósti, sonyń arqasynda osy syrqattan qaıtys bolatyndar sany 36%-ǵa tómendedi. Tynys alý organdary aýrýlarynan, tumaý, juqpaly jáne basqa da aýrý túrlerinen qaıtys bolatyndar qatary azaıdy.