Almaty dárigerleri turǵyndardy jasyna qaramastan vaktsınalanýǵa shaqyrdy
Almaty qalalyq Qoǵamdyq densaýlyq saqtaý basqarmasy basshysynyń orynbasary Laýra Myrzaǵalıdyń aıtýynsha, vaktsınatsııa - ınfektsııanyń taralýyn toqtatýdyń jalǵyz joly.
«Tájirıbe kórsetkendeı, vaktsınatsııa jasóspirimder, aıaǵy aýyr áıelder men bala emizetin analar úshin qaýipsiz. Búgingi tańda Almatyda Pfizer óndirgen Comirnaty preparatymen 20 329 adam vaktsınalandy, onyń ishinde 1207 júkti, 4152 bala emizetin ana jáne 14 970 jasóspirim bar», - dedi Densaýlyq saqtaý basqarmasynyń ókili.
Al tis dárigeri Gúlnar Sarımova koronavırýs tis pen aýyz qýysyna aýyr zaqym keltirýi múmkin ekenin eskertti.
Sonymen qatar, dáriger koronavırýs juqtyrǵan adamdarda dámniń buzylýy, kandıdoz, súıek nekrozy, tistiń joǵalýy jáne aýzyndaǵy basqa patologııalyq jaǵdaılar paıda bolýy múmkin ekenin atap ótti.
«Men barlyq azamattardy vaktsınalanýǵa shaqyramyn. Óıtkeni ınfektsııa ımmýnıtetti aıtarlyqtaı tómendetedi. Stomatologııalyq aýrýlar ımmýndyq qorǵanystyń álsireýine baılanysty paıda bolýy múmkin», - dedi tis dárigeri.