Almaty: Biri memqyzmetshi, biri isti bolǵan depýtattardyń ornyna saılaý ótedi

ALMATY. QazAqparat  - Almaty qalalyq máslıhatynyń bosap qalǵan eki ornyna depýtattardy saılaý ótedi, dep habarlaıdy QazAqparat tilshisi.

Málim bolǵandaı, depýtattardyń biri ákimdik basqarmasyna basshy bolyp taǵaıyndalsa, ekinshisiniń ústinen is qozǵalǵan.

Almaty qalasy Ortalyq saılaý komıssııasynyń tóraıymy Janna Asanovanyń aıtýynsha, «QR Jergilikti ózin-ózi basqarý týraly» zańyna sáıkes olardan mandatty alý sheshimi shyǵaryldy.

«№12 okrýg depýtaty Hanzada Esenova qalalyq basqarmaǵa basshy bolyp ornalasýyna, memlekettik qyzmetke ketýine baılanysty odan depýtattyq ókilettilik alyndy. Sondaı-aq №24 okrýg depýtaty Aıbek Bekturǵanovqa qatysty sot úkimi kúshine enýine baılanysty odan da depýtattyq ókilettilik alyndy», - dedi Janna Asanova.

Aıta keteıik, máslıhattaǵy eki bos orynǵa buǵan deıin 15 úmitker tirkelgen bolatyn. 27 aqpanda olardyń 6-aýy saılaýǵa túsýden óz erikterimen bas tartty. Sondaı-aq QR Saılaý týraly zańyna səıkes salyq deklaratsııasynda kórsetilgen məlimetterdiń durys bolmaýyna baılanysty - 1 úmitker,  tirkeý qujattarynyń túgel bolmaýyna qatysty taǵy 2 kandıdat shyǵyp qaldy.

Nátıjesinde, №12 jáne №24 okrýgter boıynsha saılaýǵa 6 depýtat túsetin boldy.

Saılaýaldy úgit-nasıhat kezeńi 2018 jyldyń 28 aqpanynan 23 naýryzyna deıin jalǵaspaq.

Saılaý 25 naýryzda ótedi.