Almaty bazarlarynan aqsha jınaǵan sheneýnik ustaldy

NUR-SULTAN. QazAqparat – Almatydaǵy azyq-túlik bazarlarynyń ákimshileri men dırektorlarynan aqsha jınaǵan sheneýnik ustaldy. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıgaıdarov málim etti, dep habarlaıdy QazAqparat tilshisi.

Onyń atap ótýinshe, agenttiktiń Almaty qalalyq departamenti «Qazaqstan Respýblıkasy Aýyl sharýashylyǵy mınıstrliginiń Almaty qalasy boıynsha Agroónerkásiptik keshendegi memlekettik aýmaqtyq ınspektsııa komıteti» MM Karantındik, ósimdikterdi qorǵaý jáne fıto-sanıtarlyq baqylaý beketterin memlekettik baqylaý bóliminiń basshysyna qatysty sotqa deıingi tergeýdi bastady.

«Ol júıeli negizde kásipkerlik sýbektilerinen – Almaty qalasynyń azyq-túlik bazarlarynyń ákimshileri men dırektorlarynan ákimshilik jaýapkershilikke tartpaǵany jáne fıtosanıtarııalyq baqylaýdy júzege asyrmaǵany úshin 10 myńnan 60 myń teńgege deıin para alǵan. QR QІJK-niń 128-babyna sáıkes joǵaryda atalǵan bólim basshysy ustalyp, Almaty qalalyq polıtsııa departamentiniń ýaqytsha oqshaýlaǵyshyna qamaldy. Qajetti tergeý áreketteri júrgizilýde. Ózge aqparat tergeý múddesinde jarııa etýge jatpaıdy», - dedi ol.