«Almaty – Bandar-Abbas – Masqat» qurlyq joly iske qosyldy

NUR-SULTAN. QazAqparat – Qazaqstannyń Omandaǵy Elshiliginiń qoldaýymen «Kazakhstan Carrier Company», «Atrakbar Khorasan» jáne «Integrated» kólik kompanııalarynyń birlesken kúsh-jigerimen Almaty – Bandar-Abbas – Masqat baǵyty boıynsha kóliktik pılottyq joba iske asyryldy, dep habarlaıdy QR SІM baspasóz qyzmeti.

Alǵash ret qazaqstandyq «Optograd» kompanııasynyń ónimderi jerústi kóligimen Omannyń Sýeık portyna jetkizildi.

Jobaǵa qatysqan kompanııalar bolashaqta Almaty-Masqat baǵytyndaǵy qurlyq jolynyń merzimin 12-14 kúnge deıin qysqartýdy josparlyp otyr, al onyń básekege qabilettiligi eki el arasyndaǵy saýda aınalymyn arttyrýǵa múmkindik beredi. Sondaı-aq, Oman qazaqstandyq taýarlardy aımaqtaǵy jáne Afrıkadaǵy elderge jetkizý úshin perspektıvaly tranzıt baǵytyna aınalýy múmkin dep paıymdaıdy.