Almaty aıaldamalaryna QR-kody bar kúmándi jarnama paıda boldy

ALMATY. QazAqparat - Almaty aıaldamalaryna QR-kody bar jarnamalar ornalastyrylǵan. Sol arqyly «Qytaı halyq bankiniń krıptovalıýta bırjasy» paraqshasy ashylady, - dep habarlaıdy QazAqparat tilshisi.

Almaty qalalyq josparlaý jáne ýrbanıstıka basqarmasynyń málimetinshe, japsyrylǵan habarlandyrýlar tirkelmegen ári ruqsat etilmegen jarnama bolyp sanalady.

«Almaty aıaldamalaryna QR-kody bar jarnamalar ornalastyrylǵan. Sol arqyly «QHB-niń krıptovalıýta bırjasy» paraqshasy ashylady. Basqarma qyzmetkerleri barlyq zańsyz jarnamany alyp tastady»,- dep habarlady vedomstvadan.

Basqarma ókilderiniń aıtýynsha, atalǵan derekti Bostandyq aýdanynyń polıtsııa basqarmasy tekserip jatyr.