Almaty – avtobýsy eń kóp qala, al eki óńirde qoǵamdyq kóliktiń bul túri múldem az

ASTANA. QazAqparat – Bıylǵy mamyrda 161,1 myń avtokólik quraly esepke qoıyldy. Bul – ótken jyldyń sáıkes kezeńimen salystyrǵanda 1,5 ese artyq, dep habarlaıdy QazAqparat Ulttyq statıstıka bıýrosyna silteme jasap.

Onyń ishinde júk avtomobılderiniń sany 1,8 ese, avtobýstar – 1,7 ese jáne jeńil avtomobılder – 1,5 ese artqan.

1 maýsymdaǵy jaǵdaı boıynsha Qazaqstanda tirkelgen avtokólik quraldarynyń sany 4 872,8 myń boldy, onyń 87,8% – jeńil avtomobılder, 10,1% – júk jáne 2,1% – avtobýstar.

Avtobýstar boıynsha, jalpy elimizde jolaýshylardy 100 701 avtobýs tasymaldaıdy, bul – ótken jylǵy sáıkes ýaqytpen salystyrǵanda 25,9% artyq. Shyqqan jyly 10-nan 20 jylǵa deıingi avtobýstardyń jalpy tirkelgen sanynan úlesi 38,4%, 20 jyldan asqandardiki – 36,6%.

Óńirlik bóliniste avtobýstardyń eń kóp sany Almatyda – 12 654, Astanada – 7 398 jáne Almaty oblysynda – 7 644. Avtobýstardyń eń az sany Ulytaý (114) jáne Abaı (241) oblystarynda tirkeldi. Avtobýstardyń 47,1% jeke tulǵalarǵa tıesili, qalǵan 52,9% zańdy tulǵalardyń ıeliginde.