Almaty áýejaıynyń prezıdenti aýysty

ALMATY. QazAqparat - Almaty halyqaralyq áýejaıynyń prezıdenti aýysty, dep habarlaıdy QazAqparat tilshisi. Bul týraly Qazaqstan qor bırjasy (KASE) málim etti.

«2021 jylǵy 14 qyrkúıektegi Dırektorlar keńesiniń sheshimimen atqarýshy organnyń quramyna kelesi ózgerister engizildi: Prızıdent Erkal Kadrı Mete shyǵaryldy; Alp Er Týnga Ersoı – prezıdent bolyp taǵaıyndaldy», - delingen habarlamada.

Aıta keteıik, «Almaty halyqaralyq áýejaıy» AQ aktsııalary Qazaqstan qor bırjasynyń (KASE) resmı tiziminde.

Eske salaıyq, sáýir aıynda TAV Airports (Groupe ADP quramyna kiredi) kompanııasy satyp alýdy aıaqtap, eldiń ekonomıkalyq astanasynda ornalasqan Qazaqstannyń eń kóp jumys isteıtin áýejaıy – Almaty qalasy áýejaıynyń operatsııalyq qyzmetin basqarýdy óz moınyna alǵan bolatyn.