Almaty áýejaıyndaǵy kommertsııalyq úı-jaılar eshkimge tıesili emes – kompanııa basshylyǵy

ALMATY. QazAqparat – Almaty halyqaralyq áýejaıynyń prezıdenti Alyp Er Tunǵa Ersoımemleket menshigine qaıtarylǵan jolaýshylar termınalynyń kommertsııalyq úı-jaılaryn satyp alýǵa qatysty óz oıyn aıtty, dep habarlaıdy QazAqparat tilshisi.

«Ol aýmaq Almaty halyqaralyq áýejaıy termınalynyń aýmaǵynda ornalasqandyqtan, biz árıne oǵan ózimiz ıelik etkimiz keledi. Alaıda, biz ákimdik pen qala bıliginiń sheshimin kútemiz. Sebebi, onyń barlyǵy zańmen retteletin másele. Ádette, áýejaı termınalynda ornalasqan nysandar áýejaıǵa tıesili bolady. Sondaı-aq áýejaı ol aýmaqqa ıelik etedi nemese ony úshinshi tulǵalarǵa beredi. Biraq, qandaı jaǵdaıda da qala bıliginiń sheshimin kútetin bolamyz», - dedi Óńirlik kommýnıkatsııalar qyzmetinde ótken brıfıngide Alyp Er Tunǵa Ersoı.
Ol sondaı-aq áýejaı aýmaǵyndaǵy dámhana, dúkenderdegi baǵalarǵa qatysty óz oıyn aıtty.
«Biz qazir ol týraly eshteńe aıta almaımyz, ázirge ol aýmaqtar kimniń menshigine ótetini sheshilgen joq. Eger ol bizdiń menshigimizge ótse, biz baǵany retteýge tyrysamyz. Eger jeke tulǵalardyń menshigine ótse, ondaǵy baǵaǵa áser ete almaımyz», - dedi ol.