Almaty áýejaıynda vaktsınatsııalaý pýnkti ashyldy
Áýejaıdyń baspasóz qyzmetiniń habarlaýynsha, Qazaqstanda koronavırýs ınfektsııanyń paıda bolýy men taralýyna jol bermeý jónindegi vedomstvoaralyq komıssııanyń qaýlysyna sáıkes, Almaty halyqaralyq áýejaıy №32 qalalyq emhanamen birlesip vaktsınatsııalaý pýnktin ashty.
Qala turǵyndary men qonaqtary termınaldyń birinshi qabatynda ornalasqan medpýnktte QazVac nemese Sinovac vaktsınasyn egile alady.
Esterińizge salsaq, Úkimet otyrysynda QR Densaýlyq saqtaý mınıstri Alekseı Tsoı qazaqstandyqtardy vaktsına alýǵa shaqyrdy.
Qalalyq qoǵamdyq densaýlyq saqtaý basqarmasynyń málimetinshe, Almaty qalasynda keshe 7 725 adam koronavırýs vaktsınasyn saldyrdy. Vaktsına saldyrǵandar sany boıynsha Almaty qalasy aldyńǵy orynda. Bıylǵy jyldyń 1 aqpany men 13 qyrkúıek aralyǵynda qalada 913 607 turǵyn vaktsınanyń birinshi komponentin, 809 747 adam ekinshi komponentin saldyrǵan. Onyń ishinde 115 210 adamnyń jasy 60-tan asqan.