Almaty áýejaıynda ushý kestesi qalpyna keldi
11:30, 28 Qyrkúıek 2022
ALMATY. QazAqparat – Almaty áýejaıynda ushý kestesi qalpyna keldi. Bul týraly Air Astana kompanııasynan málim etti, dep habarlaıdy QazAqparat tilshisi.
«Almatydan ushý kestesi qalpyna keldi. Biraq, bul estafetalyq keshigýlerdi týdyrdy. Ushaq bir ǵana reısti emes, odan keıingi reısterdi keshiktirip oryndaýǵa májbúr», - dedi Air Astana kompanııasynyń resı ókili Tilek Ábdirahımov.
Aıtýynsha, Almatydan ushýy kerek bolǵan 10 reıs keshiktirildi. Jalpy, ınternet aqaýy sırek kezdesedi.
Eske salaıyq, búgin 28 qyrkúıek kúni saǵat 4:00 shamasynda Almaty jáne Atyraý qalalarynda ınternet-provaıder jumysynan aqaý shyǵyp, saldarynan eki qalanyń áýejaıynda ınternet durys jumys istemedi.
Baılanys bolmaǵan soń qyzmetkerler reıske tirkeý jumysyn qolmen júrgizgen. Bul Almaty qalasynda tańǵy áýe reısteriniń ortasha alǵanda 1,5 saǵatqa keshigýine alyp keldi.