Almaty áýejaıynda merzimi ótken PTR anyqtamasyn usynǵan reseılik deportatsııalandy

ALMATY. QazAqparat - Almaty qalasynyń halyqaralyq áýejaıynda merzimi ótken PTR anyqtamasyn usynǵan Reseı azamaty deportatsııalandy, dep habarlaıdy QazAqparat Qazaqstanda koronavırýstyń taralýyna jol bermeý jónindegi VAK-tyń Telegram paraqshasyna silteme jasap.

Kóliktegi sanıtarııalyq-epıdemıologııalyq baqylaý departamentiń málimetinshe, 24 qarashada Qazaqstan Respýblıkasynyń aýmaǵyna Egıpet, Túrkııa, Koreıa, BAÁ, Reseı Federatsııasy, Grýzııa, Polsha, Ózbekstan, Qyrǵyzstan jáne Germanııadan 13 halyqaralyq áýe reısi kelgen.
«1 420 áýe jolaýshylarynyń ishinde PTR testileýdiń teris nátıjesi bar anyqtamamen 1 328 adam, anyqtamasyz 91 Qazaqstan azamaty keldi. Onyń ishinde:
Nur-Sultan qalasynyń áýejaıyna - 4 reıs, 191 jolaýshy, anyqtamamen - 184, anyqtamasyz – 7 adam kelgen;
Almaty qalasynyń áýejaıyna - 9 reıs, 1 229 jolaýshy, anyqtamamen – 1 145, anyqtamasyz – 84 adam kelgen.
Anyqtamasyz kelgen Qazaqstan azamattary kelgen jeri boıynsha karantın statsıonarlaryna ornalastyryldy jáne PTR taldaý ádisimen COVID-19-ǵa test tapsyrdy. PTR taldaý nátıjesi boıynsha bir jolaýshydan koronavırýs ınfektsııasy anyqtaldy», delingen habarlamada.
Sonymen qatar, Túrkııadan ushyp kelgen Reseı Federatsııasynyń azamaty, COVID-19 testinen ótý týraly merzimi ótken anyqtamany usynýyna baılanysty Almaty qalasynyń áýejaıynan deportatsııalanǵan.