Almaty áýejaıynda halyqaralyq reıster úshin jańa termınal ashylady
14:52, 12 Jeltoqsan 2019
ALMATY. QazAqparat – Almaty ákimi Baqytjan Saǵyntaev Kazakhstan Urban Conference 2019 otyrysy barysynda Almaty halyqaralyq áýejaıynyń damý bolashaǵyn tilge tıek etti, dep habarlaıdy QazAqparat tilshisi.
«Burynǵy termınal ishki reısterdi qabyldaý úshin qoldanylady. Bul nysannyń qasynan jańa termınal salynady. Ol halyqaralyq reısterdi qabyldaý úshin paıdalanylady», - dedi Baqytjan Saǵyntaev.
Aıta ketý kerek, Almatyda Almaty Invest Forum aıasynda qala ákiminiń orynbasary Saparbek Tuıaqbaev halyqaralyq «TAV Airports Holding» jáne «VPE Capital» kompanııalarymen kelisimge qol qoıǵan bolatyn.
Kelisimshart boıynsha 270 mlrd teńge Almaty áýejaıyn damytýǵa baǵyttalatyn boldy.