Almaty áýejaıy VIP termınaldyń nege jańa orynǵa kóshiriletinin túsindirdi
Vedomstvo málimetinshe, VIP termınaldy jańa orynǵa kóshirýge búkil tıisti ruqsat berilgen.
«Barlyq sándik elementteri saqtalǵan termınal Almaty halyqaralyq áýejaıynyń aýmaǵynda 420 metr radıýsqa jyljytylady, sol arqyly ǵımaratty tarıh jáne mádenıet eskertkishi retinde saqtaý úshin jaǵdaı jaqsarady», - dep habarlady Almaty halyqaralyq áýejaıynyń korporatıvtik kommýnıkatsııalar departamenti.
Jańa halyqaralyq jolaýshylar termınaly 2024 jyldyń jazynda ashylady dep josparlanǵan.
Aıta ketý kerek, Almaty áýejaıynyń tarıhı ǵımaraty 1947 jyly salynǵan jáne Almaty qalasynyń tarıhı jáne mádenı eskertkishteriniń Memlekettik tizimine engizilgen.
«Sáýlet eskertkishin jyljytý degenimiz - ony jańa orynda bar sándik elementtermen qaıta jasaý», - dep tolyqtyrdy vedomstvo.
Eske salaıyq, Almaty áýejaıy 2021 jyldyń sáýirinde túrik kompanııasynyń menshigine ótken bolatyn.
Keıin Almaty áýejaıynyń jańa halyqaralyq jolaýshylar termınalynyń tujyrymdamalyq dızaıny qoǵamdyq talqylaýdan ótti.
Aıta keteıik, Memleket basshysy Qasym-Jomart Toqaev Almaty qalasyna jasaǵan jumys sapary barysynda ońtústik astana áýejaıynyń jańa halyqaralyq termınaly qurylysyna ruqsat bergen edi.