Almaty áýejaıy pandemııa kezinde tabysynyń úshten ekisinen aıyrylǵan

ALMATY. QazAqparat- Almatyda áýejaıdyń termınaly keńeıdi. Bul týraly onlaın brıfıng barysynda «Almaty halyqaralyq áýejaıy» AQ aǵa vıtse-prezıdenti Zıttsers Sımons aıtty, dep habarlaıdy QazAqparat.

Onyń aıtýynsha, búginde Almaty postpandemııa kezeńinde. Tirshiliktiń barlyq salasy, sonyń ishinde avıatsııa salasy belsendi túrde qalpyna kelip jatyr, reıster qaıta jandanyp, jańa baǵyttar ashylýda.

«Biz bolashaqta áýe kóligine suranystyń arta túsetinin kórip otyrmyz. Almaty halyqaralyq áýejaıy - Qazaqstannyń negizgi áýe qaqpasy sanalady. Qazirgi kezeńde biz ósip kele jatqan jolaýshylar aǵynyn jeńýge kómektesetin jańa termınal salý qajettigin kórip otyrmyz», - dep atap ótti spıker.

Zıttsers Sımons avıatsııa uzaqmerzimdi josparlaýdy qajet etedi dep sanaıdy.

«Biz qazirgi termınaldy múmkindiginshe jaqsartýǵa tyrysamyz. Osydan bir aı buryn ishki termınaldyń altynshy otyrǵyzý sektorynda jóndeý jumystary aıaqtaldy, onyń aýdany buryn 177 sharshy metr bolsa, qazir - 850. Eki shyǵaberistiń ornyna qazir tórteýi bar. Zaldar keńeıdi», - dep túıindedi Zıttsers Sımons.