Almaty áýejaıy qalypty rejimde jumys isteýde, alaıda qaýipsizdik sharalary kúsheıtildi
«Almaty halyqaralyq áýejaıy qalypty rejimde jumys istep jatyr. Reıster keste boıynsha ushyrylýda. Reıster keshigip jatsa, oǵan lańkestik qaýip áser etken joq. Alaıda qaýipsizdik sharalary kúsheıtildi. Buryn qarýlanǵan 20 polıtseı bolsa, qazir olardyń sany 50.
Jolaýshylardy muqııat tintip jatyr. Barlyq kiretin jáne shyǵatyn jerlerge shlagbaýmdar ornatyldy», - dedi «Almaty halyqaralyq áýejaıy» AQ-nyń prezıdenti Aıbol Bekmuhambetov.
Buryn habarlanǵandaı, Almaty qalasynyń metropolıteninde de qalada bolǵan oqıǵaǵa baılanysty qaýipsizdik sharalaryn kúsheıtildi.
Eske sala ketsek, búgin belgisiz bireýler Almatynyń birneshe aýdanynda oq atqan - qazir qalada UQKD ǵımaraty, Abylaıhan kóshesi tolyǵymen jáne Abaı dańǵyly qorshaýǵa alyndy.
Qarýly qaqtyǵys nátıjesinde 7 polıtsııa qyzmetkeri aýrýhanaǵa tústi.
Shabýylshylardyń biri quryqtaldy, taǵy biri - izdeýde. Qalaǵa «Ustaý» arnaıy jospary engizildi. Sondaı-aq, terrorıstik qaýiptiliktiń «qyzyl deńgeıi» jarııalandy.