Almaty áýejaıy Ashyq júıesimen jumys jasap jatyr
Ashyq mobıldi qosymshasy meıramhanalar men demalys oryndarynan bólek, Almaty áýejaıyna da ornatyldy. Búginen bastap jolaýshylar ushaqqa otyrmas buryn, óz statýsyn skanerleý arqyly anyqtap, áýejaı qyzmetkerine kórsetýi tıis.
Aıta keteıik, jolaýshylarǵa statýs «PTR-zertteýlerdiń biryńǵaı ıntegratsııalyq portaly» jáne «Qazaqstan Respýblıkasy Densaýlyq saqtaý mınıstrliginiń COVID-19 baqylaý ortalyǵy» aqparattyq júıelerimen salystyrý negizinde beriledi.
«Jasyl» – júrip-turýynda shekteý joǵyn bildiredi, mundaı adam bazada COVID-19 indetine PTR-testileýi teris nátıje kórsetken paıdalanýshy bolyp sanalady.
«Kók» — aýrý juqtyrǵan adamdarmen baılanysta bolǵan adamdar esebinde joq, PTR-test talap etiletin jerlerden basqa kez kelgen orynda erkin qozǵalý degendi bildiredi.
«Sary» – baılanysta bolǵan adamdarǵa beriletin mártebe. Olarǵa azyq-túlik alýǵa nemese úıdiń janyndaǵy dárihanaǵa barýǵa ruqsat etilgenmen, basqa qoǵamdyq oryndarǵa barýyna tyıym salynady.
«Qyzyl» statýs — PTR-test tapsyryp, koronavırýs anyqtalǵan adamǵa beriledi. Mundaı mártebe ıeleri úıde oqshaýlaný rejımin qatań saqtaýy tıis.
«Qyzyl» nemese «sary» tús mártebesin kórsetken jolaýshylar ushaq bortyna jiberilmeıdi. Osylaısha shekteý qoıý arqyly, ózgelerdiń qaýipsizdigin qamtamasyz etýge múmkindik beredi deıdi mamandar. Al,18 jasqa tolmaǵan balalarǵa qosymshany paıdanbaı erkin kirýine ruqsat.
Almaty halyqaralyq áýejaıynyń baspasóz hatshysyNatalıa Sokolovanyń aıtýynsha, áýejaıda «Ashyq» mobıldi qosymshasy 16 mamyrdan bastap pılottyq rejımde bastalǵan. Osy aralyqta 24 adamda qyzyl tús, al 15 adamda sary belgi anyqtalǵan. Olardyń barlyǵy áýejaıǵa ótkizilmedi. Bul rette jolaýshylarǵa áýe kompanııasy bılet qunyn tolyqtaı ótep berýi kerek nemese ushý ýaqytyn basqa kúnge aýystyrýy qajet.
«Jobany ázirleýshiler barlyq tehnıkalyq tustaryn da qarastyrǵan. Qazir júıe jaqsy jumys istep tur. Eshqandaı aqaýlar bolmaıdy dep senemiz. Júıe isten shyqqan jaǵdaıda, biz shyǵaryp salýshylarǵa emes, birinshi kezekte jolaýshylardy kirgizýge basymdyq beretin bolamyz. Odan bólek, biz óz tarapymyzdan jolaýshylardy uzaq kúttirmeý úshin qosymsha kireberister ashtyq, dálizder uıymdastyrdyq», – dedi «Almaty halyqaralyq áýejaıy» AQ baspasóz hatshysy.