Almaty-Atyraý baǵytyndaǵy «Saraıshyq» jańa júrdek poıyzy alǵashqy saparǵa attandy
Bul týraly «Jolaýshylar tasymaly» AQ-dan málim etti.
Jańa poıyzdy alǵashqy saparǵa shyǵaryp salý saltanatty jaǵdaıda atap ótildi. «Jolaýshylar tasymaly» AQ «Ekspress» fılıaly jolaýshylar úshin kontserttik baǵdarlama ázirledi.
«Jolaýshylar tasymaly» AQ «Ekspress» fılıalynyń dırektory Shamıl Qojabekovtyń aıtýynsha, jańa poıyz kúnara qatynaıdy. Almatydan Atyraýǵa deıingi jol 35 saǵat 30 mınýtty quraıdy. Poıyzdyń jańa quramy 27 vagonnan turady, onyń 2-eýi «Grand» (dýshy bar eki oryndyqty), 2-eýi «Bıznes» (eki oryndyqty) jáne «Týrıst» sanatty (tórt oryndyqty) 18 jolaýshy vagony. Sondaı-aq quramda 2 tehnıkalyq, 1 konvertor-vagon, 1 bar-vagon jáne 1 meıramhana-vagon bar. «Grand» sanatty vagonda múmkindigi shekteýli azamattarǵa arnalǵan bir kýpe qarastyrylǵan. Kýpede dýsh, sanıtarlyq jeli, arnaıy jabdyqtalǵan esikter, jolserikti shaqyrý tetigi qarastyrylyp, dálizder jolaýshylardy otyrǵyzýǵa jáne túsirýge yńǵaıly etip keńeıtilgen.
Atalǵan quramnyń vagondary Astana qalasyndaǵy «Tulpar-Talgo» qazaqstandyq-ıspandyq birikken kásiporynnyń zaýytynda qurastyrylǵan.
Vagondar «Jolaýshylar tasymaly» AQ jyljymaly quramynyń tehnıkalyq resýrsyn jańartý jáne jetildirý baǵdarlamasyn júzege asyrý sheńberinde satyp alyndy. Soǵan sáıkes, 2014 jylǵa deıin zaýyt 420 jolaýshy vagonyn jasap shyǵarady.
Atap óter jáıt, №77/78 jańa poıyz Almaty-2 stansasynan Atyraýǵa deıingi joldy (2 695 shaqyrym) 49 saǵattan 35 saǵatqa deıin qysqartady.
Eske sala keteıik, búgingi tańda «Tulpar-Talgo» vagondarynan qurastyrylǵan júrdek poıyzdar 4 baǵyt boıynsha: 2003 jyldan bastap «Almaty-Astana» qatynasyndaǵy №1/2 - «Tulpar» poıyzy, «Almaty-Shymkent» qatynasyndaǵy №25/26 - «Aq suńqar», 2012 jyldan bastap «Almaty-2- Petropavl» qatynasyndaǵy №151/152 - «Jetisý» poıyzy jáne «Aqtóbe-Astana» baǵytyndaǵy №88/87 - «Aqtóbe» poıyzy qatynaıdy.
Jalpy Qazaqstan Respýblıkasynyń kólik ınfraqurylymyn damytý jónindegi baǵdarlamany júzege asyrý sheńberinde 2015 jylǵa deıin taǵy 5: «Astana-Atyraý» (2013 jyldyń qyrkúıegi), «Astana-Qyzylorda», «Almaty-Aqtóbe» (2014 jyl); «Astana-Zaşıta», «Almaty-Zaşıta» (2015 jyl) júrdek marshrýttaryn iske qosý josparlanyp otyr.