Almaty áskerı-tehnıkalyq mektebiniń tárbıelenýshileri áskerı ant qabyldady
22 men 27 jastaǵy kýrsanttardy atqysh, granataatqysh, oqshasharshy mamandyqtaryn meńgerýge oqytyp-úıretti. Jas jaýynger kýrsy áskerdegi merzimdi qyzmetti almastyrady. Ony aıaqtaǵannan keıin bitirýshiler áskerı bıletke qol jetkizedi. «Biz taktıkalyq, dene jáne atys daıarlyǵynan óttik. Avtomatty jınap, shashyp, oq atýdy úırendik», - dedi tárbıelenýshi Nurbol Muhtaruly. Búgin atalmysh is-sharany ótkizý baǵdarlamasynda 200-ge jýyq kýrsanttyń defılesi, AK-74 avtomatyn jınap-shashý, «Ásker» áskerı-patrıottyq klýby tárbıelenýshileriniń óner kórsetýimen qoıan-qoltyq urys ótkizildi. Áskerı-tehnıkalyq mekteptegi oqý 40 kúnge sozylady. Onyń qorytyndysy boıynsha tárbıelenýshiler sertıfıkat jáne áskerı bılet alady.
Almatyda áskerı-tehnıkalyq mektepterge úmitkerlerdi irikteý jylyna 7-8 ret ótkiziledi. ÁTM-ge oqýǵa túsý úshin kandıdattardy irikteýdi Almaty q. jergilikti áskerı basqarý organdary júzege asyrady. Almaty q. áskerı-tehnıkalyq mektep tárbıelenýshilerdiń eń kóp sanyn túletip shyǵarady. Qazaqstanda mekteptiń 15 fılıaly bar,dep habarlaıdy QM baspasóz qyzmeti.